جاني  خبر منه مصدع ومنحاس

جدد جروحي يا عرب في المعاليق

جاني خبر رجال شاجع وفجاس

رجال ....غالي عند كل االمخاليق

من صدمتي كنها تقطعني أمواس

ودموع عيني فوق خدي مدافيق

من بعد موت اللي له العز نوماس

الصامل اللي طوق المجد تطويق

جارالله المعروف في كل مجلاس

جارالله اللي وثق الطيب توثيق

مرحوم ياللي سمعتك ترفع الراس

مرحوم يا نسل القروم االمطاليق

اقولها ...والقلب مجروح ياناس

من بعد جار الله غزا حالي الضيق

صديق اعزه طيب الذكر والساس

وبينه وبينه يا ال صالح مواثيق

شرف مراد في البلق ماعرف ياس

وصفق له القايد من الفخر تصفيق

موته وقع من يد ذي مثل جساس

هذا ( كليب مراد ) يااهل التحاقيق

مطلق حجاج وشيخ ونعم وقرناس

حزنه توسم في الجبال الشواهيق