اختراع علمي مذهل قد يقود لعلاج سرطان الدم وفشل نخاع العظم
مقتل 129 شخصا على الأقل وإصابة 59 في محاولة هروب جماعي من سجن
شملت الضرائب والجمارك.. حكومة الانقلاب الحوثية الجديدة تبدأ مهامها بجرعة قاتلة تصل إلى ثلاثين ضعفًا
الأرصاد الجوية ينشر توقعاته للحالة الجوية في اليمن خلال الـ 72 ساعة القادمة - أمطار رعدية بعضها غزيرة على هذه المحافظات
تصريحات نتنياهو المستفزة..السعودية تعلن وقوفها إلى جانب مصر وتعتبرها تصعيدا خطيرا
ما هي أهداف زعيم الانفصاليين من تكليف المحرمي بإدارة قوات الانتقالي؟.. تقرير
محمد صلاح: اخرجوني من الراحة وأعادوني 7سنوات إلى الوراء
تفاصيل لقاء وكيل الخارجية بالسفير التركي في اليمن
تعرف على أبرز صفقات الأندية السعودية بعد إغلاق الميركاتو الصيفي لموسم 2024-2025
الدولار يصعد لليوم الخامس ..مقابل معظم منافسيه العشرة الكبار
نظرا لأن النعمة فاقت حدها
ولأننا مش قدها
ولأن فعلا انجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك ……. نسترحمك
نستعطفك …….نستكرمك
ترحمنا من طلعة جنابك حبتين
عايزين نجرب خلقة تانية
ولو يومين
اسمع بقى
إحنا زهقنا من النعيم
ونفسنا في يومين شقا
عايزين نجرب الاضطهاد
ونعوم ونغرق في الفساد
بيني وبينك حضرتك
دا شعب فقرى مايستحقش جنتك
أنا عارفه شعب ماينفعوش
إلا شارون وبلير وبوش
عايز يجرب الامتهان
ويعيش عميل للأمريكان
بيمد ‘غازه’ لإسرائيل
ويومين كمان ويمد نيل
أهو يعنى نشرب ميه واحدة
ندوب في بعض
ماء وماء وماء
ونفض سيرة الانتماء
وبلاها نعرة وطنطنة
تبقى البلاد ‘مستوطنة ‘
متسلطنة بالسرطنة
إيه اللي خدناه م الكرامة والإباء
حبة خطب وكلام…كلام
إحنا راهننا على النظام
ورضينا بخيار السلام
بخيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وارضى بقسمتك
دا شعب مش فاهم أكيد
يلا اطرده من رحمتك
وإن كنت غاوي الحكم
خليك مطرحك
حاغطس واقب وأعود
بشعب يريحك
راضى وعمره مايجرحك
أخرس ومايسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض في السليم
وعلى الصراط المستقيم
كل اللي يعرف ينطقه
عاش الزعيم
يحيا الزعيم