كيف تؤثر القهوة في الدماغ؟
"مهووس مثل رونالدو".. كاراغر يعلق على إمكانية انتقال صلاح إلى الدوري السعودي الموسم المقبل
القسام تكشف مفاجأة بشأن الأسرى الإسرائيليين الـ6 وتوجه رسائل
بالوثائق.. تقرير يكشف تفاصيل مسارات تهريب الأسلحة الايرانية للحوثيين - تمر عبر 4 دول وهذه مناطق إنزال الشحنات في اليمن
حصاد ضربات واشنطن ضد المليشيات خلال الأيام الثلاثة الأخيرة
وصفهم بـ الصعاليك..مزيع بقناة المسيرة الحوثية يثير غضب قبائل البيضاء والنشطاء يردون :في قوانين المليشيات يُعدّ المدافعين عن كرامتهم صعاليك
رئيس حزب القوات اللبنانية: على حزب الله أن يتحمل عواقب الحرب وحده و نحن جوهر وجود لبنان
مصر تصعد من قضيتها حول سد النهضة الإثيوبي وتوجه خطابا لمجلس الأمن
تقرير أمريكي يكشف كيف تلاعبت إيران بالحوثيين في معركة غزة وكيف حولتهم لأداة رخيصة لتعزيز النفوذ الإيراني ودعم استراتيجيتها البحرية
تفاصيل لقاء رئيس هيئة الأركان العامة برؤساء هيئات ودوائر وزارة الدفاع
مأرب برس – خاص
( الواد دا ايــــــــــه ) ... هو مين عصام كاريكا علشان نتضامن كمان احنا معاه ؟؟ ونتضامن على ايه؟؟ وضد مين ؟؟؟ دي كانت الاسئلة الي خطرت على بالي انكم حتسألوني اول ماعنيكم توأع عالعنوان ... وبصراحة ، بصراحة من غير زعل معندكمش حأ ،،، ازاي متعرفوش من هو عصام كاريكا ؟؟؟!!!! بس المره دي انا مش حلوم حد فيكم لأني انا كمان مكنتش اعرف عنه حاجة ، لحد مشفت اسمه ملعلع في مارب برس وانه هو والست اصالة نصري حيكسروا الدنيا في مهرجان عيد الحب في عدن، قلت لااااا دي غلطة كبيرة اوي ، المرة الجاية الواحد لازم ينتبه ليها ازاي واحد زي دا وحيشرف عدن وناس عدن واليمن كلها ، والبلد مألوبه عليه والبرلمان بتعنا بيتكلم عنه وانا ولا هنا ولانا عارف عنه حاجة !! ..دي غلطه مش لازم تتكرر مره تانيه ، بس ألت لنفسي ملحؤه وبسرعة فتحت جوجل وكتبت اسم الاستاز عصام كاريكا ، وفي اأقل من سانية كان أودامي اكتر من تلاته وستين الف صفحة فيها اسم الاستاز عصام ،،الله الله الله !!! ياخبر ابيض!!! دا شخصية مش سهله أبدا أبدا ازاي انا مكنتش عارف عنه حاجة ؟؟؟ دا طلع انه ( واد شنكوتي ) وكمان هو نفسه ( الواد العفريت ) ومش بس كدا دا كمان واضح انه ( جنتل مان ) ولزيز و( دون جوان ) وكان نفسي اني احضر الليلة الي حيغني فيها، بس ، يخسارة ما ليش في الطيب نصيب انا فين وعدن فين ؟؟؟
متفتكروش اني زعلان علشان اني مش حأدر اشوف (الشنكوتي) لأه انا في حاجات تانيه مدايأاني ... صحيح انه حيفوتني نص عمري بس اللي مزعلني وفارسني حاجتين تانيات خااالص ..الحاجة الاولى هي الشوشره اللي عملوها في مجلس النواب بعض الناس الا مش عارف اسميهم ايه غير انها جماعه ( مستئصداني ) وعاوزه تفركش الحفل اللي اصلا حيتعمل علشان فلسطين والناس الغلابه اللي في غزة ... بس تؤل ايه في العالم الفاضيه اللي تجي في الهايفه وتعمل من الحبه أبه ومش في اي مكان دا تحت أبة البرلمان ...و آأل ايه دي حفلات بتبوز الاخلاء .وماينفعش نحتفل بعيد غربي وكلام كتير عن الاخلاء والمبادىء والمال العام ومش عارف ايه ، ومبصوش على الحاجه الكويسه ، وهي ان فلوس الحفله الفنيه والغنى والرأص حيروح شويه منه لحبايبنا في غزه وجزء حيتصرف على الغلابه الي عندهم سرطان،، يعني عمل انساني ميا ميا ، بس، فين الناس اللي تفهم .
الحاجة التانية اللي مزعلاني هي ان الناس اللي حتنظم الحفل اعلنوا انهم حيملكواالبنت المفعوصه اصاله نصري فللا رأم (1) في مشروع فردوس عدن الاستسماري العأاري والاستاز عصام محدش عبره حتى في كوخ صفيح .. اما ناس أليلة ادب ،
صحيح اصالة (حتة بنت ) وتستاهل مش فله دي تستاهل أرية سياحية بحالها واحنا شعب بنأدر المواهب ! بس كمان الاستاز عصام يستاهل فيللا زيها ان مكانش اكتر .. بس مش عارف ليه مدير المهرجان مروان الخالد ( ربنا يهده ) اتجاهل الاستاز عصام واتكلم بس عن البنت اصاله واأل ان اصحاب المشروع حيعطوها الفيلا تكريما لدورها الريادي في السأفه والفن العربي وكأن الاستاز عصام بيه ملوش دور خاااالص. بس معليش ياأستاز عصام ولا يهمك هم ايه فاكرين ، فاكرين انك زي كتاب اليمن وفنانين اليمن وشعرا اليمن وادباء اليمن ناس ملهمش اسهام في الفن والسقافه العربيه ومالهمش لزمه في الحياه وما يستهلش الواحد فيهم انه يعيش ، مش يعيش في فيللا كمان ، لأه ، انت حاجة تانية والمهرجان حيسبت ليهم كده بس انت ( خليك باصص لفوء )
معلش انا كترت بالكلمات الي بين الأأواس لانها اغاني الاستاز عصام ومن حبي ليه اللي تكون بسرعه البرء اول ماشفت صورته واسماء البوماته حبيت احط الاغاني دية في وسط اكتابة ويكون لي انا كمان اسهام ريادي في نشر الفن اجميل بتاع عصام بيه ...
وكدا وبعد ماعرفتوا الحكاية من اولها لاخرها ان بدعوكم انه نتضامن معى الاستاز عصام كاريكا علشان يملكوه الفيللا رقم (2) في مشروع فردوس عدن الاستسماري العأاري .
ونتضامن معاه كمان علشان نوأف الناس اللي في البرلمان عند حدها .
وبالمنسبة ديه انا حابب اهدي اغنية الاستاز عصام ( الخيول ) للمسقفين اليمنين واللي بيأول فيها .
احنا كدا زي الخيول نجري في السبق ببلاش ..
ولكل الناس الطيبة اللي وقفت معاه اوصاد الناس بتوع البرلمان وكمان للناس اللي حتتضامن من شان تعرف مدير المهرجان مين هو عصام كريكا باهدي اغنية ( حوده ) اللي بيأول فيها
ابعد انت ياحوده .. واسكت انت ياحوده .
و ابعد انت ياحوده .. واسكت انت ياحوده .
وسبني مني ليهم ورووح انت ياحوده
قل لهم ياحوده انا ميــــــــــــــن واد بورجي وحويط
وعرفهم لو مش عارفين ، لأأ دنا بحري غويط .
اما مسؤلينا في وزارة الحب .. اقصد الثقافة والاعلام ..
احب أألهم احنا مش محتاجين اعياد حب في عدن احنا عاوزنكم توقفوا اعياد الحرب اللي تشنونها على عدن وشرعب وصعده ...وكتر الف خيركم ...
صحيح ( شوية عيال ) ، وسلم لي على حوده ..