اسقاط طائرة مسيرة اطلقتها المليشيات الحوثية باتجاه محافظة مأرب ''صورة''
ثلاثة مرشحون يتنافسون على رئاسة الجزائر
اتفاق بشأن غزة نهاية الأسبوع المقبل وحماس تتحدث عن ''وهم'' أميركي
''هيومن رايتس ووتش'' تشير إلى تصعيد حوثي خطير وتحذر من تبعات حملات القمع الأخيرة
بيان للحكومة حول هجوم مودية في أبين وحديث عن تخادم مع الحوثيين
قرار للإتحاد الأوروبي يخص أحمد علي ووالده
منخفض جوي قادم وتحذيرات من امطار غزيرة خلال الساعات القادمة
4 قواعد قد تساعد على العيش حتى عمر 100 عام
غضب عارم وسط جلسة برلمانية في تركيا تتحول إلى عراك عنيف
قوات أوكرانيا تواصل التقدم في روسيا وسط معارك طاحنة .. ونائب روسي يعلن عن حرب عالمية
لسة فاكرة تجمعاتنا كل يوم خميس ، تجمعنا العائلي واحنا بنتفرج على (عائلة ونيس) ، لسة فاكرة صوتنا واحنا بنلعب خلاويص ، لسة ف بالي أيامنا و ضحكنا اللي ملوش زي ، لسة في بالي و لسة في قلبي حيّ .
لسة فاكرة .
*****************************************
لسة فاكرة كل صورة جمعتنا من أيام زمان ، السنين اللي مرت و دوّبت في البيت الحيطان ، لسة شاهدة كل اوضة عن طفولة "كان ياما كان" ، لسة كل شِبر بيحكي اللي كان ، كل شارع من الحواري بيضم ريحة من زمان ، لسة حتى الأغاني بتضم بحنان ، فيروز الصبح مع القهوة ، و حدوته قبل النوم تدينا الأمان ، اما دلوقتي ع المخدة ، بتحتوينا كل يوم الأحزان ،
*****************************************
لسة فاكرة كل ساعة و كل ثانية مرت ، حاسة انها كانت أصعب أيام عدت ! ازاي أيام الفراق عدت واحنا لسة مكملين؟ كل ذكرى بينا سدت ، وجع هيدمرنا سنين ، كل خطوة فيها ننجح ، نجري نحكي لمين؟ مفيش! ، لسة كل يوم بندور على طيفكم منلاقيش ، كنا زمان لو خطوة عدت ، نروح نحكيها كأنهم السبب في أننا نعيش ، لسة فاكرين الأيام ، ولسة الذكريات مش هتنسانا ، لسة بنكبر و بتمر السنين ، و لسة الذكريات بتكبر معانا ، لسة كل ثانية بتعدي ، بنحن فيها للي فات ، ولسة كل ذكرى بتعشش اكتر جوانا ، لسة في كل يوم بنعدي مسافات ، و تايهين ما بين نخطي و نكمل او نموّت الحنين معانا ،
*******************************************
طب لسة فاكرة الحضن إياه ، اللي كان بيصالحني من قسوة الحياة ، وكان يوم ما اعيط من الخوف ، ألاقي صوته بيطمني معاه، ازاي أنساه ؟؟ آخر لقاء بينا كان محجوز هناك ، لسة فاكرة كل كلمة قالها ، حسيت انه خلاص مفارق يومها، طب ازاي تفارق وأنا قلبي لسة معاك؟ كان بيصلي وهو خلاص بينام ، كان جميل بشكل ميوصفوش كلام! طب انا ملحقتش حتى أقوله سلام!!!!!! ازاي مش هيكون هناك؟ كنت ماسكة ايده وهي بردانة ، وهو بيطمني انه هيكون في مكان كويس! و انه هيكون حوالينا و معانا! لسة فاكرة يوم ما جم قالولي مات ! لسة صوته بيرن في وداني! عدا على فراقه ١٠ سنين ...، ولسة مش عارفه اتعود ، لسة واقفة مكاني . لسة بكلمه في سري كل يوم يعدي ، كان جميل بشكل كأنه بيوعدني مش هيسبني لوحدي! راح للجنة وساب الدنيا ، ماهي بردو الناس الحلوه بتفارقنا ف سنين مش ثانيه! لسة فاكرة كل حاجه كإنها امبارح! لسة قلبي بيعاند و لسة بيقاوح . لسة فاكرة ، لسة فاكرة ، ومش هنسى . بدعيلك قبل منامي ، ومش بعرف أنام حتى لو عايزة ، لأن ذكرياتك معايا كانت غير أي حد تاني .
لسة فاكرة كل ذكرى في طفولتي ، لسة فاكرة كل خطوة ، لسة بحط جنب صورتك صورتي! مش ناسية تحفيظك ليا للقرآن ، مش ناسية حنانك ليا ، ولا يوم ما كنت بتقول الآذان ، واسمع صوتك في المايك وقت الفجر وأحس بالأمان ، لسة فاكرة كل ثانية قضيناها زمان ، صدقني لسة فاكرة!