|
قالها الطفل وعيونه ممتليه بالدمووووع
قال ابوه ارجووك تسكت لا تزيد الطين بله
قال يابه؟
ليش ناجي غربته يوم وسبوووع!
قال مدري بس ناجي يمتلك مصنع وفله
قال وانت؟!
املك كماه وسوا لك عشره فروووع
وكل ما تحتاج شي من مصنعك رح له وشله
انت يابه مثل ابوك ومثل ابو جدي قنوع
سافروا مثلك ولاحد منكم تما محله
ماتهمون السفر لكن تهمون الرجوووع
فهموني كيف ناجي رص لبراج المطله
وانت يابه لانزلت ولاتمهد للطلوع
مثل عمي مايفكر غير في ضانه وبله
وكل ما جيته يقول السيل يصفاء في النقوع
فهموني قبل ما تمشي الئ ارض المذله
ابتسم سيد الرجال وقال له يوم الربوع
بتصل بك ياولد ارجوك ذي في القلب خله
وارتحل والقلب ينزف دم واطراف الضلوع
تطعن القلب الجريح المستميت بالف عله
الفراق وكلمة ابنه والمذله والخضوع
شق صدره والسعودي بالكفاله مستغله
مات قهر وقد تطهر من هماليل الدموع
وانقبر في قبر اقرب من يحبه مايدله
والولد يلعب هناك ومنتظر يوم الربوع
قال يامه ليش يكذب ماتصل في نفس حله؟
يسال امه في الصلاه وترتجف وقت الخشوع
مادرت لكن موت الخل يكسر قلب خله
رن جوال الولد واهتزت اركان الصقوع
وانهدم حلمه ولا زالت فلل ناجي مطله
ليش ناجي والف ناجي يسرقون وكل نوع
يسرقونه ينقلونه من ترله لا ترله؟؟؟
والف واحد مات قهر والف واحد مات جوع
اليمن ماهي سعيده ياسرق
صارت ممُـله
في الجمعة 02 يناير-كانون الثاني 2015 09:50:39 ص